عراقچي: آئي آرآئي بي کي نشريات بند کرنے پرتنقيد

ابنا: سيد عباس عراقچي نے يورپي سيٹلائٹ کمپنيوں کي جانب سے آئي آر آئي بي کي عالمي سروس کے چينلوں کي بندش پر حيرت کا اظہار کرتے ہوئے اسے عالمي قوانين اور ضابطوں کے منافي قرار ديا ہے-  انہوں نے کہا کہ يورپ کا يہ اقدام آزادي صحافت اور آزادي بيان کے  دعووں کے بھي منافي ہے جس کا ڈھنڈورا ساري دنيا ميں پيٹا جاتا ہے-  وزارت خارجہ کے ترجمان نے کہا کہ امريکہ کي جانب سے سيٹلائٹ خدمات فراہم کرنے والي کسي کمپني کو کسي ملک کے سيٹلائٹ چينلوں کي بندش پر مجبور کرنا ان اصولوں کے خلاف ہے جنکا مغرب دعوي کرتا ہے-   واضح رہے کہ بعض مغربي سيٹلائٹ کمپنيوں نے يکم جولائي دو ہزار تيرہ سے ايران کے سيٹلائٹ چينلوں کي نشريات بند کردي ہيں-  ايران کے سيٹلائٹ چينلوں کي بندش پوري طرح سے سياسي محرکات کي  حامل ہے اور اس کا مقصد آزاد ذرائع ابلاغ کي آواز کو خاموش کرنا ہے جو خطے کي رائے عامہ کو غير جانبدارانہ اور حقائق پر مبني خبريں فراہم کرتے ہيں-  امريکہ اور اسرائيل عالمي سطح پر ذرائع ابلاغ کي دنيا ميں اپني اجارہ داري قائم رکھنے کے منصوبے پر کام کر رہے ہيں- ......./169